Ташкилоти амонатии қарзии хурди «ФУРУЗ» яке аз ташкилотҳои пешрафтаи молиявии Ҷумҳурии Тоҷикистон ба ҳисоб меравад. Аз соли 2006 инҷониб ташкилот ба рушди соҳибкории хурд ва миёна, инчунин баланд бардоштани дастрасии аҳолӣ ба хизматрасониҳои молиявӣ мусоидат менамояд.
Имрӯз «ФУРУЗ» беш аз 270 корманди касбӣ ва 15 маркази хизматрасониро муттаҳид менамояд. Бо истифода аз таҷрибаҳои пешрафтаи идоракунӣ ва технологияҳои муосир, ташкилот ба мизоҷони худ хизматрасониҳои босифати молиявӣ пешниҳод менамояд. Муассисон ва сармоягузорони ташкилот намояндагони кишварҳои Аврупо, Амрико ва Сингапур мебошанд.
Дастаи мо мутахассисони соҳибихтисосро барои иштирок дар озмун барои ишғоли вазифаи холии аудитор даъват менамояд. Мо ба номзадҳое таваҷҷуҳ дорем, ки дорои таҷрибаи гузаронидани санҷишҳои аудиторӣ, таҳлили равандҳои молиявӣ ва арзёбии хавфҳои бонкӣ мебошанд.
Вазифаҳо:
- Иштирок дар санҷишҳо тибқи нақшаи аудити дохилӣ, таҳлили равандҳои тиҷоратӣ, низоми назорати дохилӣ ва ҳисоботдиҳии молиявӣ;
- Иштирок дар арзёбии мутобиқати равандҳои дохилӣ ба талаботи меъёрӣ ва қоидаҳои дохилӣ;
- Тайёр намудани ҳисоботҳои таҳлилӣ ва тавсияҳо оид ба бартарафсозии камбудиҳо ва хатарҳои ошкоршуда бо супориши Менеҷери шӯъбаи аудити дохилӣ.
Талабот:
- Таҳсилоти олӣ дар соҳаи молия, иқтисод, муҳосибӣ ё аудит;
- Таҷрибаи корӣ дар соҳаи бонкдорӣ на камтар аз 3 сол;
- Донистани талаботи меъёрӣ, ки фаъолияти ташкилотҳои молиявии хурдро танзим мекунад;
- Омодагӣ ба сафарҳои хизматӣ (зиёда аз 60% вақти корӣ);
- Дониши хуби барномаҳои MS Office ва барномаҳои бонкӣ.
Бартарӣ дода мешавад ба номзадоне, ки:
- Дониши меъёрҳои байналмилалии ҳисобдорӣ (МСФО), меъёрҳои байналмилалии аудит ва қонунгузории андози ҶТ доранд;
- Таҷрибаи корӣ дар вазифаи аудитор/инспектор дар шуъбаи аудити дохилӣ, назорат ё аудити беруна на камтар аз 1 сол;
- Сертификатҳои тахассусии CAP/CIPA доранд;
- Дониши забони англисӣ дар сатҳи intermediate доранд.
Довталабон метавонанд Резюме (CV)-и худро ба суроғаи зерин ирсол намоянд:
ш. Бохтар, куч. Айни 27 ё ба суроғаи электронии
hr@furuz.tj (номи вазифаро дар мавзӯи мактуб қайд намоед).
Телефон барои маълумот: 988-35-08-48.
Танҳо номзадҳое, ки ба талабот ҷавобгӯ мебошанд, ба суҳбат даъват карда мешаванд.
