Ташкилоти Амонатии Қарзии Хурд «ФУРУЗ» яке аз ташкилотҳои пешсафи молиявии Ҷумҳурии Тоҷикистон буда, аз соли 2006 инҷониб ба рушди соҳибкории хурду миёна ва беҳтар намудани дастрасии аҳолӣ ба хизматрасониҳои бонкӣ мусоидат менамояд.
Имрӯз ФУРУЗ зиёда аз 270 нафар корманди касбӣ ва 15 марказҳои хизматрасониро муттаҳид намуда, бо истифода аз таҷрибаҳои пешқадами идоракунӣ ва технологияҳои муосир ба мизоҷони худ хизматрасониҳои босифат пешниҳод мекунад. Муассисон ва сармоягузорони ташкилот аз Аврупо, Амрико ва Сингапур мебошанд.
Ташкилоти Фуруз муҳити кории шаффоф, фарҳанги корпоративии ба рушд нигаронидашуда ва имкониятҳои васеи рушди касбиро фароҳам оварда, барои ҷалби мутахассисони соҳибтаҷриба ва ташаккули дастаи қавӣ талош менамояд.
Вазифаҳои асосӣ:
• Ташкил намудани баҳисобгирии бухгалтерӣ ва назорати умумии дуруст таҳия намудани сабтҳои муҳосибӣ аз рӯи амалиётҳои гузаронидашуда;
• Тартиб додани ҳисоботи молиявӣ барои истифодабарандаи беруна ва дохилӣ;
• Ташкил намудан ва назорати дурусти баҳисобгирии андоз;
• Ҳамкори ва ҳамоҳангсозии кор бо аудиторҳои беруна, БМТ, мақомоти андоз ва дигар мақомотҳои дахлдор;
• Таъмини назорати дохилӣ ва идоракунии хавфҳои муҳосибӣ;
• Иштирок дар таҳияи буҷет, банақшагирии молиявӣ ва таҳлили нишондиҳандаҳои фаъолияти ташкилот;
• Роҳбари намудани шӯъбаи муҳосибот, амали намудани мониторинги фаъолияти кормандони муҳосибӣ, баҳодиҳии фаъолият, гузаронидани таълими зарурии кормандон.
Талабот:
• Таҷрибаи кории сармуҳосиб ё муовини сармуҳосиб дар соҳаи бонкӣ/қарздиҳии хурд на камтар аз 3 сол, инчунин бо таҷрибаи роҳбарикунии на камтар аз 1-2 сол;
• Маълумоти олӣ аз рўи ихтисоси муҳосиб, аудит ва ё молия;
• Донистани қонунҳои амалкунанда ва санадҳои нормативӣ аз рӯи ҳисоби муҳосибӣ ва андозситонӣ;
• Қобилияти аъло доштан дар таҳлили молиявӣ;
• Дониши амиқи қонунгузории муҳосибӣ, андоз, молия ва ҳисоботи молиявӣ;
• Донистани қоидаҳо ва методологияи қарздиҳӣ;
• Малакаҳои хуби кории компютерӣ: Microsoft Excel, Word;
• Покизакорӣ ва масуълиятшиносӣ, малакаҳои аълои муошират;
• Дорандаи сертификатҳои CAP ва CIPA ва ғайра афзалият дониста мешавад.
Довталабони ҳавасманд метавонанд ҳуҷҷатҳои худро (CV/Resume) ба суроғаи электронии hr@furuz.tj (дар мавзӯи мактуб номи вазифае, ки месупоред қайд намоед) ва ё ба Саридораи ташкилоти амонатии қарзии “Фуруз” дар шаҳри Бохтар, кӯчаи Айни 27 пешниҳод намоянд.
Телефон барои маълумот: 988-35-08-48
Танҳо номзадҳои ба талаботҳои вазифа ҷавобгӯ ба суҳбат даъват карда мешаванд.
